A coliflor é unha variedade da especie Brassica oleracea, no Grupo Botrytis da familia Brassicaceae. Reprodúcese por sementes. Trátase dunha planta anual, pero atópase no seu mellor momento entre os meses de setembro e xaneiro no hemisferio norte, aínda que se pode dispoñer dela durante todo o ano. Ten propiedades diuréticas, debido ao seu elevado contido en auga e potasio e baixa achega de sodio. O consumo desta verdura favorece a eliminación do exceso de líquidos do organismo e resulta beneficiosa en caso de hipertensión, retención de líquidos e oliguria (produción escasa de ouriños).

As coliflores se trasplantan cando teñen de tres a cinco follas. Deben de plantarse nun sitio aberto e asollado cunha terra que reteña ben a humidade. Ao plantala, enterraremos as raíces e o talo ata a base das primeiras follas, coidando de que non caia terra no brote central.Hai que manter o chan húmido, pero evitando os encharcamientos. Cando chegue o inverno, ataremos as follas para protexer o cogollo, desta forma, a inflorescencia será máis branca.

Temperatura

15 - 25 º

Chan

Chan solto e ben drenado; rico en materia orgánica e de pH óptimo entre 6,5-7,5. Abono equilibrado.

Luz

É un cultivo moi resistente ao frío, aínda que algo menos que a col e máis sensible á calor. Existen variedades diferentes adaptadas a diversas condicións.

Auga

A rega ha de ser abundante sobre todo na época de crecemento.