Planta herbácea bienal, aínda que pode cultivarse tamén como anual. Forma unha roseta empenachada de follas moi divididas, alcanza os 15 cm de altura e posúe talos floríferos que poden chegar a pasar os 60 cm con pequenas flores verde amareladas.O seu cultivo coñécese desde hai máis de 300 anos, sendo unha das plantas aromáticas máis populares da gastronomía mundial.A variedade perexil grande Petroselinum sativum tuberosum, posúe unha raíz engrosada axonomorfa, parecida á chirivía, que é a que se consome como hortaliza crúa ou cociñada. Esta variedade ten follas máis grandes e rugosas que as do perexil común e máis similares á especie silvestre.

A súa reprodución realízase por sementes, nun lugar asollado e en calquera chan que non sexa demasiado compacto. Tamén é apta para cultivar en macetas ou xardineiras, podendo dispoñer dunhas follas frescas e tenras para aderezar os pratos cortando simplemente as necesarias e regando despois para estimular o crecemento vexetativo.

Temperatura

15 - 25 º

Chan

Aínda que os chans humíferos son os mais indicados, adáptase a calquera tipo de terreo. O chan debe de ser neutro, non tolerando un pH inferior a 6,5 nin superior a 8.

Luz

Aínda que o perexil prefire os climas cálidos, resiste ben o frío. Pódese cultivar en todo tipo de climas.

Auga

Prefire os chans húmidos aínda que se adapta a case calquera tipo.